02:51, 16 Мамыр 2021 | GMT +6
Елордада жаяу жүргіншілер үшін ерекше бағдаршам іске қосылды
НҰР-СҰЛТАН. ҚазАқпарат - Елордада жаяу жүргіншілер үшін ерекше бағдаршам іске қосылды, деп хабарлайды ҚазАқпарат қала әкімдігіне сілтеме жасап.
Қалалық Көлік және жол-көлік инфрақұрылымын дамыту басқармасы эксперимент ретінде жаяу жүргіншілер үшін бағдаршам дыбысын іске қосты.
«Бұл өзгеріс Бәйтерек монументінің маңайындағы Ақмешіт көшесі, Түркістан көшесі және Мәмбетов көшесі бойындағы жаяу жүргіншілер өткелдерінде қолданылды», - делінген хабарламасында.