03:40, 12 Желтоқсан 2020 | GMT +6
Елордада және өзге екі қалада ауа сапасы нашарлайды
НҰР-СҰЛТАН. ҚазАқпарат – «Қазгидромет» РМК мәліметінше, 12 желтоқсан күні 3 қалада ауа сапасының жағымсыз метеорологиялық ахуалы қалыптасады, деп хабарлайды ҚазАқпарат.
Атап айтқанда, сенбі күні Ақтөбе, Нұр-Сұлтан және Шымкент қалаларында ауа ластануының қолайсыз метеорологиялық жағдайы күтіледі.
Өзге шаһарларда ауа сапасы норма шегінде болады.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.