19:41, 11 Сәуір 2018 | GMT +6
Елордада жанармай бекетінің кассирі қарызын төлеу үшін ақша жымқырған
АСТАНА. ҚазАқпарат - Елордада жанармай құю бекетінің кассирі қарыздарын төлеу үшін кассадағы ақшаны ұрлаған, делінген Астана қалалық сотының сайтында.
«Ол көлікке жанармай құю стансасының кассирі бола тұрып, жұмыс орнында кассадан жасырын түрде 357 000 теңгенің ұрлаған және К. есімді азаматқа қарызын қайтарған», - делінген №2 Алматы аудандық сотының хабарламасында.
Астана қаласындағы №2 Алматы аудандық сотының үкімімен, әйел ҚР ҚК-нің 188-бабы 1-бөлігі бойынша кінәлі деп танылып, 1 жылға бас бостандығынан айырылды.
Фото: dlavas42.ru