+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Елордада түнгі уақытта көше кезген 25 жасөспірім ұсталды

2021 жылғы 27 қаңтар 17:44
Бөлісіңіз:
Елордада түнгі уақытта көше кезген 25 жасөспірім ұсталды

НҰР-СҰЛТАН. ҚазАқпарат – Елорда аумағында жасөспірімдер қылмысын ескерту және алдын алуға бағытталған жедел алдын алу іс-шарасы басталды, деп хабарлайды ҚазАқпарат тілшісі.

«Нұр-Сұлтан қаласының ювеналды полициясы қызметкерлері 26-28 қаңтар аралығында жедел алдын алу іс-шарасын өткізіп жатыр. Іс-шараның мақсаты – құқық бұзушылықтың алдын алу, кәмелетке толмағандарға алкоголь сусындары мен темекі бұйымдарын сату, балалардың қараусыз әрі бақылаусыз болуын, жасөспірімдердің түнгі уақытта заңды өкілдерінсіз үйден тыс жерде және көңіл көтеру орындарында жүру фактісін анықтау. Бұл іс-шараға тек полиция қызметкерлері ғана емес, денсаулық сақтау мен білім беру, үкіметтік емес ұйымдардың өкілдері де қатысады», - деді атап өтеді Нұр-Сұлтан қалалық Полиция департаментінен.

Ведомствоның мәліметінше, іс-шараның алғашқы күнінде әкімшілік құқық бұзғаны үшін полицияға 29 жасөспірім жеткізілді. Олардың ішінде 4-еуі кішігірім бұзақылық жасаса, 14-і қоғамдық орында темекі шеккен. Аталған жасөспірімдердің барлығы және 7 ата-ана балаларына дұрыс тәлім-тәрбие бере алмағаны үшін әкімшілік жауапкершілікке тартылды.

Мұнан бөлек, түнгі уақытта заңды өкілдерінің қарауынсыз үйден тыс жерде жүрген 25 жасөспірім ұсталды. Олардың екеуі көңіл көтеру орнында болған. Жасөспірімдердің заңды өкілдеріне және көңіл көтеру орындарының басшылығына қатысты әкімшілік өндіріс қозғалды. Сонымен қатар ішкі істер бөлімдеріне 6 жасөспірім мен 7 қолайсыз отбасы есепке алынды. Олар полиция қызметкерлерінің ерекше бақылауында болады.


Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT