14:48, 07 Желтоқсан 2021 | GMT +6
Елордада күрес түрлерінен Қазақстан чемпионаты өтеді
НҰР-СҰЛТАН. ҚазАқпарат - Елордада күрес түрлерінен Қазақстан чемпионаты басталады, деп хабарлайды Olympic.kz.
Аталған байрақты бәсеке 7-12 желтоқсан күндеріне жоспарланған. Ел біріншілігі Жақсылық Үшкемпіров атындағы жекпе-жек сарайында өтеді.
Мәлім етілгендей, 18 жасқа толмаған спортшылар UWW ережесі бойынша дәрігердің медициналық анықтамасы және ата-анасының қолхаты арқылы жарысқа қатысады.
Турнирді алдымен еркін күрес шеберлері бастайды.
Кейін әйелдер күресінен жеңімпаздар анықталса, грек-рим күресінің өкілдері чемпионатты түйіндейді.