10:30, 21 Қыркүйек 2020 | GMT +6
Елордада коммуналдық қызмет үшін түбіртекті онлайн алуға болады
НҰР-СҰЛТАН. ҚазАқпарат - Коммуналдық қызметтер үшін түбіртектің электрондық нұсқасын алуға болады. Бұл жайында Нұр-Сұлтан қаласы әкімінің орынбасары Малика Бектұрова Telegram парақшасында жазды, деп хабарлайды ҚазАқпарат тілшісі.
«Кейде сіз кіреберістің пошта жәшігінен коммуналдық қызметтер үшін түбіртекті таба алмайсыз. Енді оның электрондық нұсқасын алу оңай - @iQalakz_bot Telegram-ботқа хабарласыңыз. Сізге «бірыңғай төлем құжатын алу» батырмасын таңдап, жеке шот нөмірін көрсету жеткілікті. Бірнеше секунд ішінде түбіртек сізге сол терезеде келеді», - деп жазды әкім орынбасары.
Осы орайда ол қазіргі кезде орталықтың 131 қызметін онлайн режимінде iqala.kz сайтында «қызметтер тізімі» бөлімінен алуға болады.
«www.iqala.kz порталы арқылы қажетті анықтамаларды, мәліметтерді және түбіртектерді алыңыз», - деп нақтылады М. Бектұрова.