+7 (701) 759 90 19
USD 432.55 EUR 470.83
RUB 5.84 CNY 61.31
Jańalyqtar

Елордада «Кітап оқып, рухани бай бол!» қалалық байқауы өтіп жатыр

2020 жылғы 1 ақпан 13:02
Бөлісіңіз:
Елордада «Кітап оқып, рухани бай бол!» қалалық байқауы өтіп жатыр

НҰР-СҰЛТАН. ҚазАқпарат - Нұр-Сұлтан қаласы бойынша «Рухани жаңғыру» жобалық кеңсесі ҚР Ұлттық академиялық кітапханасымен бірлесе ұлы ойшыл Абайдың 175 жылдық мерейтойын тойлау аясында «Кітап оқып, рухани бай бол!» қалалық байқауы өтуде, деп хабарлайды ҚазАқпарат тілшісі.

Ұқсас жаңалықтар
Абайды адамзаттық гуманитарлық ғылымға үлес қосқан тұлға ретінде тану керек - сарапшы Семейдегі Абай театрында күрделі жөндеу жұмыстары жүргізілуде Семейдегі Абай музейі оқушыларға онлайн-саяхат ұйымдастырды

Абайдың шығармаларын кеңінен таратуды мақсат еткен байқау ІІ кезеңнен тұрады.

«Бұл - қалалық, облыстық көлемде өтіп жатқан ауқымды жоба. Байқауда Абайдың өмірі мен шығармашылығына қатысты сұрақтар қойылады. Қатысушылардың жас ерекшеліктеріне талап қойылған жоқ. Ең кішкентай қатысушы - үшінші сынып оқушысы болса, ең үлкені - зейнеткер», - дейді әділқазы мүшесі Айшат Жуасбаева.

Аталған байқаудың І кезеңінде кітапсүйер қауым желтоқсан-қаңтар айлары аралығында өздерінің сүйікті кітаптарынан үзінділер оқып, әлеуметтік желілерге жүктеді. Отандық және шетелдік ақын, жазушылардың туындыларын оқып, жүзден жүйрік шыққан 10 қатысушы екінші кезеңге жолдама алған.

«Абай - ұлттың паспорты. Абайдың айтқан сөздері әлі күнге дейін өзектілігін жоғалтқан жоқ. Президентіміз Қасым-Жомарт Тоқаев жазған «Абай және ХХІ ғасыр» мақаласында Абайдың 175 жылдығына арналған шаралар биыл ғана емес, «Рухани жаңғыру» аясында қайта-қайта оқып, зерттеуіміз керек екенін айтты. Рухани жаңғыру деген - бір нәрсе ойлап табу емес, бар құндылықтарымызды ұлттың рухани санасында қайта жаңғырту. Білім, өнер, музыка ұлтқа бөлінбейді. Абай әлем алыптарымен қатар тұратын тұлға, демек сіздер әлемдік деңгейдегі тұлғаны оқып жатырсыздар», - дейді Л.Гумилев атындағы Еуразиялық Ұлттық университетінің профессоры, филология ғылымдарының докторы Гүлнар Мұратова.

ІІ кезеңде байқау қатысушылары Абай Құнанбайұлының өнері мен шығармашылығына қатысты жасалған викторинада бақ сынасатын болады.


Біздің каналымызға жазылыңыз:

Бөлісіңіз:

Автор:

Зарина Қаһарман

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT