+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Елордада қаскөйлер қоқыс жинауға арналған контейнерлерді өртеп жіберді

2021 жылғы 4 тамыз 00:24
Бөлісіңіз:
Елордада қаскөйлер қоқыс жинауға арналған контейнерлерді өртеп жіберді

НҰР-СҰЛТАН. ҚазАқпарат – Елордада тұрмыстық қалдықтарды сақтауға арналған контейнерлерді қасақана өртеу жағдайлары бұған дейін де болған. Осы демалыс күндері Есіл ауданында осыған ұқсас жағдай болып, нәтижесінде 36 контейнер өртенді, деп хабарлайды қала әкімдігінің ресми сайты.

Ұқсас жаңалықтар
Оралда полицейлерден қашқан мас жүргізуші орманға кіріп кеткен Жамбыл облысында притон ұйымдастырған ер адам ұсталды Өскеменде жасөспірімдер арасындағы қылмыс азайды

30 шілдеде сағат түнгі 3-тен таңғы 5-ке дейінгі кезеңде Есіл ауданында келесі мекенжайлар бойынша контейнерлік алаңдар өртенді:

- Мәңгілік ел, 23

- Ұлы дала 11/1

- Түркістан 2

- Қонаев 35.

Барлығы 36 қоқыс жәшігі жанып кетті, оларды сақтап қалу мүмкін болмады.

Бейнебақылау камераларынан алынған жазбаларда өрттің қасақана жасалғаны көрінеді. Кінәлі адам табылды және жасаған іс-әрекеті үшін жауапкершілікке тартылады.

Мұндай жағдайлар материалдық шығынмен қоса, өрт қаупін жəне тұрғындарға қолайсыздық туғызады. Контейнерлік алаңдар тұрғын үйлер мен автотұрақтарға жақын орналасқандықтан, бұл тұрғындардың мүлкінің жануына әкелуі де мүмкін.

Жанып кеткен контейнерлерді «Clean City NC» ЖШС және «Қоршаған орта және табиғатты пайдалану басқармасы» мемлекеттік мекемесі жаңасына ауыстырды.

Нұр-Сұлтан қаласының әкімдігі елорда тұрғындарын ҚТҚ жинау және контейнерлердің сақталуы мәселесіне жауапкершілікпен қарауға шақырады. Атап айтқанда сөндірілмеген сіріңкелерді, темекі тұқылдарын және басқа да жанғыш заттарды тастамауға, контейнерлер ішіндегі қалдықтардың кездейсоқ жануына әкеп соғуы мүмкін тез тұтанатын сұйықтықтарды, тұрмыстық, өнеркәсіптік және автомобиль химиясын төкпеуге шақырады.

Жеке қауіпсіздік мақсатында автомобильдерді контейнерлік алаңдардың жанына қоюға болмайды.

Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT