Елордада карантин талаптарын бұзған 9 мекеме жауапкершілікке тартылды
«15 қазан күні 9 елордалық мекеме карантин талаптарын бұзды. Алматы ауданында «Лапша» мейрамханасы, «Киш миш», «Gentles» кафелері, «Мармелад» лаундж-бары белгіленген жұмыс режимін сақтаған жоқ. Сарыарқа ауданында орналасқан «Барвиха» лаундж-барында, «Oina» ойын клубында, «Рыба моей мечты» караокесінде де карантин шаралары бұзылды. Сондай-ақ, тәртіп бұзушылар тізіміне Есіл ауданындағы «Garage» мейрамханалық кешені мен «Inforno» рестобары енді», - делінген хабарламада.
Карантин талаптарын бұзу туралы мәліметтер әкімшілік шара қабылдау үшін санитарлық-эпидемиологиялық бақылау саласындағы уәкілетті органға жолданды.
Қалалық әкімдік өз кезегінде індет таралуының азайғанына қарамастан, коронавирустан қорғанудың тәсілі вакцина алу және санитарлық талаптарды сақтау екенін ескертеді.