USD 434.34 EUR 491.93
RUB 5.56 CNY 68.67
Jańalyqtar

Елордада бітімгерлерге БҰҰ Халықаралық курсының сертификаттары табыс етілді

2021 жылғы 22 қараша 22:35
Бөлісіңіз:
Елордада бітімгерлерге БҰҰ Халықаралық курсының сертификаттары табыс етілді

НҰР-СҰЛТАН. ҚазАқпарат - Қазақстан Қорғаныс министрлігінің бітімгершілік дайындық орталығында «БҰҰ-ның Азаматтық тұрғындарды қорғау – United Nations Protection of Civilians Course» (UNPOCC) халықаралық сертификатталған курсы аяқталды, деп хабарлайды ҚазАқпарат ҚР Қорғаныс министрлігінің баспасөз қызметіне сілтеме жасап.

Ұқсас жаңалықтар

Бангладеш, Бразилия, Қазақстан, Мавритания, Мозамбик, Нигерия, Пәкістан, Сауд Арабиясы және Финляндиядан келген жиырма әскери қызметшіге оқуды аяқтағаны жөнінде сертификаттар берілді.

Екі апта бойы қазақстандық нұсқаушылар тыңдаушыларды бітімгерлік операцияларды жүргізудегі Біріккен Ұлттар Ұйымының азаматтық тұрғындары қорғау жөніндегі негізгі қағидаттармен, құндылықтармен және құзыреттермен таныстырды. Гендерлік аспектілерді, адамның мінез-құлқы мен қауіпсіздік кодексін, соның ішінде COVID-19 жөнінде хабардар болуды арттыру процедураларын зерттеуге ерекше назар аударылды.

Курс кезінде БҰҰ Адам құқықтары жөніндегі Жоғарғы комиссары Бюросының, қарулы күштермен жұмыс жөніндегі Халықаралық Қызыл Крест комитетінің, ШЫҰ және ҰҚШҰ Өңірлік терроризмге қарсы құрылымының өкілдері де дәрістер өткізді.

Мавританиядан келген тыңдаушы полковник Зейн Суидат оқытуды сапалы ұйымдастырғаны үшін қазақстандық тарапқа алғысын білдірді. Ол бітімгершілік дайындық орталығындағы оқытушылардың кәсіби шеберлігін тілге тиек етіп, жинақтаған білім бітімгерлік операциялар барысында және күнделікті қызметтегі міндеттерді орындауда пайдалы екенін атап өтті.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT