+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Елордада балалар коронавируспен жиі ауыра бастады - инфекционист дəрігері

2021 жылғы 27 шілде 19:34
Бөлісіңіз:
Елордада балалар коронавируспен жиі ауыра бастады - инфекционист дəрігері

НҰР-СҰЛТАН. ҚазАқпарат - Елордада маусым айынан бастап балалар арасында коронавирус инфекциясының өсуі байқалады. Балалар негізінен отбасындағы КВИ жұқтырған адаммен байланыста болғаннан кейін ауырады. Бұл туралы №3 көпбейінді қалалық балалар ауруханасы директорының медициналық бөлім жөніндегі орынбасары, инфекционист дәрігер Роза Өтегенова айтты, деп хабарлайды ҚазАқпарат қала әкімдігіне сілтеме жасап.

Ұқсас жаңалықтар
Жаңа қаулы: Келесі аптадан бастап Түркістан облысында карантин шектеулері жеңілдейді Батыс Қазақстанда коронавируспен күрес шараларына 4,2 млрд теңге бөлінді Ақтөбе облысында дәрігер тапшылығы жоқ – Руслан Хамбаров

«Яғни, отбасында ересек адам ауырса, тіпті жеңіл түрі болса да, онда балалардың барлығы дерлік жұқтырады. Бүгінгі күні инфекциялық орталықта КВИ жұқтырған 110-нан астам бала емделуде», - дейді дәрігер.
Сондай-ақ, ол «Дельта» штамы өте агрессивті екенін атап өтті, сондықтан балалар ересектерге қарағанда оңай және тез жұқтырады.

«Балаларда ауру симптоматикалық емес, клиникалық айқын формаларға дейін созылады. Балалардағы негізгі белгілер – интоксикация, дене қызуы, катаральды көріністер болуы мүмкін. Сондықтан, бастапқыда қарапайым вирусты инфекциялардан еш айырмашылығы жоқ деп айта аламыз. Бірақ динамикадан кейін асқынып кетуі ықтимал, сонымен қатар созылмалы аурулар болған кезде балаларда созылмалы патологиялардың декомпенсациясы басталуы мүмкін. Ондайда жағдай нашарлап кетеді», - деді Роза Өтегенова.

Сондай-ақ, дәрігердің пікірінше, көп нәрсе баланың коронавирус жұқтырғанға дейінгі денсаулығына байланысты. Яғни, егер ол КВИ-ге дейін сау болса, ауру жеңілірек өтеді.

«Ауру ағымының ерекшелігі – олардың инфекциялық процесі кез-келген кезеңде аяқталуы мүмкін, яғни бала не тез емделіп шығады немесе бірден ауыр түріне жетеді. Инкубациялық кезең ересектердегідей өтеді: 4-тен 14 күнге дейін. Алайда, балада қосымша ауруы болса, оның жағдайы жылдам нашарлауы немесе нашарламауы мүмкін», - дейді маман.

Инфекция асқынатын негізгі орган — ересектердегі секілді өкпе. Бірақ жүрек, бауыр, асқазан-ішек жолдары болуы да мүмкін. Сол сияқты ауыр түріндегі сепсис пен шок жағдайына дейін әкелуі мүмкін. Сондай-ақ, балалардың бірден бірнеше жүйке жүйесіне әсер етуі мүмкін, бұл денеге теріс әсер береді.

«Ата-аналардың бәріне сақтық шараларын қатаң сақтауын, әсіресе вакцинациядан өтуі керектігін айтқымыз келеді. Негізінен екпе алмаған отбасылардың балалары ауыр түрде ауырады. Вакцинация алыңыз, өзіңізді және балаларды қорғаңыз! Өйткені, кішкентай балалар өздерінің ауырып қалғанын түсінбеуі мүмкін, ал кейін ауру ауыр күйде өтеді», - деп қорытындылады Роза Өтегенова.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT