+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Елордада Азық-түлік қауіпсіздігі жөніндегі ислам ұйымының штаб-пәтері ашылды

2019 жылғы 12 желтоқсан 14:31
Бөлісіңіз:
Елордада Азық-түлік қауіпсіздігі жөніндегі ислам ұйымының штаб-пәтері ашылды

НҰР-СҰЛТАН. ҚазАқпарат – Нұр-Сұлтан қаласындағы «Астана» халықаралық қаржы орталығының ғимаратында Азық-түлік қауіпсіздігі жөніндегі ислам ұйымының (АҚИҰ) штаб-пәтері ашылды. ҚазАқпарат бұл туралы ҚР Сыртқы істер министрлігіне сілтеме жасап хабарлайды.

Салтанатты шараға ҚР Сыртқы істер министрінің бірінші орынбасары Шахрат Нұрышев, ҚР Ауыл шаруашылығы вице-министрі Нұрбек Дайырбеков, АҚИҰ бас директоры Ерлан Байдәулет, сондай-ақ Бангладеш, Буркина-Фасо, Гамбия, Түркия, БАӘ, Сауд Арабиясы Ауыл шаруашылығы министрліктерінің басшы қызметкерлері және Қазақстанда аккредиттелген ИЫҰ-ға мүше елдердің елшілері қатысты.

Ш.Нұрышев өз сөзінде Қазақстан АҚИҰ қызметіне және осы ұйымның мүшелік құрамын кеңейту бойынша жан-жақты қолдау көрсетуді жалғастыратынын атап өтті.

Іс-шара аясында Ұлттық аграрлық ғылыми-білім беру орталығы мен АҚИҰ арасындағы ынтымақтастық туралы меморандумға қол қою рәсімі өтті.

Кейін АҚИҰ штаб-пәтерінде АҚИҰ Атқарушы кеңесінің кезекті 4-ші отырысы басталып, қатысушылар ИЫҰ-ға мүше елдердің Азық-түлік қауіпсіздігі саласындағы практикалық ынтымақтастығын нығайтуға бағытталған мәселелерді талқылады.

Ислам ынтымақтастығы ұйымы аясында АҚИҰ құру туралы бастаманы Қазақстан Республикасының Тұңғыш Президенті – Елбасы Нұрсұлтан Назарбаев көтерген болатын. . Қазіргі уақытта ұйымның құрамына ислам әлемінің 34 мемлекеті кіреді және оның қызметі Ауыл шаруашылығы мен Азық-түлік әлеуетін дамыту саласында мұсылман әлемінің күш-жігерін жұмылдыруға бағытталған.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT