+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Елордада адам қағып өлтірген күдікті бұрын екі рет сотталған

2019 жылғы 3 желтоқсан 14:55
Бөлісіңіз:
Елордада адам қағып өлтірген күдікті бұрын екі рет сотталған

НҰР-СҰЛТАН. ҚазАқпарат – Елордада такси көлігін ұрлап, кейіннен екі жаяу жүргіншіні қағып кеткен күдікті осыған дейін екі рет істі болған. Бұл туралы Орталық коммуникациялар қызметіндегі баспасөз мәслихатында мәлім болды, деп хабарлайды ҚазАқпарат тілшісі.

Ұқсас жаңалықтар
Оралда автобус пен жеңіл көлік соқтығысып, бір адам қаза тапты

«Елордада таңғы сағат 06:52-де 102 каналына «Бизон» дәмханасының маңында белгісіз біреу такси жүргізушісін ұрып-соғып, автокөлігін айдап кеткені туралы мәлімет келіп түсті. Осыдан кейін сағат 06:58-де аталған автокөлік Тәуелсіздік көшесінің бойында жолдан өтіп бара жатқан екі жаяу жүргіншіні қағып кеткені анықталды. Бұл оқиғаға байланысты полиция күштері көтерілген болатын. Оқиға орнына жеткен патрульдік полиция жасағы 23 жастағы күдіктіні ұстады», - деп нақтылады елордалық полиция департаментінің бастығы Ержан Саденов.

Белгілі болғандай, күдікті ішімдікке сылқия масайған. Қазіргі кезде ол полиция департаментінің уақытша ұстау изоляторына қамалды.

«Осы әрекеттерге байланысты ҚР ҚК 345-бабы («Адам өліміне әкеп соққан көлiк құралдарын пайдалану қағидаларын бұзуы») және автокөлік иесіне күш көрсеткені үшін сотқа дейінгі тергеу жұмыстары басталды», - деді ол.

Бұдан бұрын хабарланғандай, жол-көлік оқиғасы салдарынан 48 жастағы әйел оқиға орнында көз жұмды. 2005 жылы туған жасөспірім түрлі дене жарақатымен ауруханаға жатқызылды.

Ержан Саденовтің сөзіне қарағанда, 23 жастағы күдікті осыған дейін бірнеше рет сотты болған. 2013 жылы тонау фактісі бойынша, содан кейін ұрлық үшін іс қозғалған.

«Ал енді 345-бап үшінші тармағы бойынша 5 жылға дейін, сондай-ақ 200-бап аясында 10 жылға дейін бас бостандығынан айыру жазасы ескерілген. Жалпы, оның әрекеттеріне қатысты соңғы шешімді сот шығарады. Тергеу барысында полиция оның кінәсін дәлелдеп, жан-жақты қарайды», - деді елордалық полиция департаментінің бастығы.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT