+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Еліміздің туризм саласындағы білікті мамандары Түркістанда бас қосты

2020 жылғы 22 қазан 18:50
Бөлісіңіз:
Еліміздің туризм саласындағы білікті мамандары Түркістанда бас қосты

ТҮРКІСТАН. ҚазАқпарат – Түркістан облысында өңірдің туристік әлеуетін дамыту бойынша «Түркістан – түркі әлемінің бесігі» атты республикалық семинар-кеңес өтті. Облыстық туризм басқармасының ұйымдастыруымен өткен жиында өңірлердегі туризмді дамыту мен бірлескен іс-шараларды өткізу мәселелері талқыланды, деп хабарлайды ҚазАқпарат тілшісі.

Ұқсас жаңалықтар
Маңғыстауға келетін туристер саны 177 мыңнан асты

Аталған шараға ҚР Туризм индустриясы комитеті және «Kazakh Tourism» ҰК» АҚ басшылары, еліміздің өзге облыстарының салалық басқармалары мен туризм ассоциациясы өкілдері арнайы қатысты. Онда Түркістан қаласында салынып жатқан жаңа нысандарға, Отырар, Бәйдібек аудандарының туристік нысандарына ақпараттық тур ұйымдастырылды. Сондай-ақ, семинар-кеңес аясында Шымкент, Алматы қалаларымен және Алматы, Қызылорда облыстарымен, сонымен қатар «Kazakh Tourism»ҰК» АҚ-мен туризм саласындағы өзара түсіністік және ынтымақтастық туралы Меморандумға қол қойылды.

Жиынға қатысушылар туризм - Түркістан облысы экономикасының басым салаларының бірі екенін айтты. Әсіресе, бірегей сәулет-тарихи және археологиялық ескерткіштері, таңғажайып табиғаты мен өзіндік мәдениеті бар өңіріміз өңірлік және халықаралық деңгейде туризмді дамыту үшін зор әлеуетке ие екенін баяндалды.

Айта кетейік, қазіргі таңда мемлекет тарапынан тек қаланың ғана емес, жалпы облыстың дамуына ерекше көңіл бөлініп келеді. Инфрақұрылымды жаңғырту аясында жұмыстар белсенді жүргізіліп, жаңа инвестициялар тартылуда.

Одан бөлек, Түркістан қаласын Түркі әлемінің мәдени және рухани астанасы ретінде Орталық Азиядағы Халықаралық туризм мен зиярат ету орталығы ретінде дамыту - бүгінгі таңда туризм саласындағы мемлекеттік саясаттың стратегиялық басымдықтарының біріне айналды және осы бағытта мемлекеттік қолдау көрсету туризмді тұрақты дамытудың алғышарты болып отыр.



Біздің каналымызға жазылыңыз:

Бөлісіңіз:

Автор:

Айнұр Ақбаева

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT