12:29, 15 Қаңтар 2010 | GMT +6
Еліміздің конькимен жүгіру спорты бойынша жастар құрамасы әлем кубогына қатысады
АСТАНА. Қаңтардың 15-і. ҚазАқпарат - Қазіргі уақытта еліміздің конькимен жүгіру спорты бойынша жастар құрамасы Италияда, онда қаңтардың 23-інде жастар арасындағы әлем кубогы басталады.
Бұл ақпаратты «Біздің спорт» сайты таратып отыр.
Айта кетейік, жастар арасындағы әлем кубогының бірінші кезеңі өткен жылы қарашаның 21-22-сінде Голандияның Грененген қаласында өткен болатын. Байрақты бәсекенің екінші кезеңі Италияның Коллалбо қаласында қаңтардың 23-24-інде, ал соңғы кезеңі Базельга ди Пин қаласында қаңтардың 30-31-і аралығында өтпек.
Аталған жарыстарға Қазақстан атынан 6 қыз бен 4 бозбала қатысады.
Жарыс аяқталғаннан кейін олар Ресейдің Челябі қаласына барып, жастар арасындағы конькимен жүгіру спорты бойынша әлем чемпионатына дайындықтарын жалғастыруы мүмкін.