Елімізде орман қоры мен ағаш отырғызуды қадағалауға арналған мобильді қосымша әзірленді

«Қазақстан — шағын орманды мемлекет. Мәселен, еліміздің орман қорының жалпы ауданы 30 млн гектарды құрайды, яғни ел аумағының 11 пайызын орман алып жатыр. Орманды алқаптар туралы айтар болсақ. Мысалы, Қызылорда және Жамбыл облыстарында негізінен сексеуіл өседі. ШҚО мен Алматы облыстарында майқарағай, самырсын, балқарағай және шырша ағашы басым», - деді А.Шалабекова ОКҚ-де өткен баспасөз мәслихатында.

Вице-министрдің айтуынша, Президент тапсырмасына сәйкес 2025 жылға дейін ел аумағында 2 млрд ағаш отырғызылса, 2030 жылға қарай елімізде орманды алқап көлемі 5 пайызға артады.

«OrmanMap» деп аталатын мобильді қосымша жасалды. Ол қосымша еліміздегі орман қоры мен мемлекеттік шекарасы туралы деректер, Сондай-ақ, әр өңірдегі ормандардың көлемі және оған алдағы уақытта отырғызылатын ағаш түрлері мен оның саны көрсетілген. Және де Мемлекет басшысы міндет етіп қойған, 2 млрд ағаш отырғызу процесіне қатысты инфографикамен танысуға болады. Бүгінде аталған мобильді қосымша штаттық режимде жұмыс істеп тұр», - дейді ол.

Бұған дейін вице-министр биыл ел көлемінде 130 млн түп ағаш көшеті отырғызылғанын айтты.