Елімізде 11 мамыр күні болатын шаралар аңдатпасы

11.00-де онлайн-көрсетілім форматында «ІІМ ЖОО-на қабылдау қағидалары туралы» брифинг өтеді. Спикерлер: Нұрышев Ақан Жақыпбекұлы – ҚР ІІМ Кадр саясаты департаментінің Ведомстволық білім беруді ұйымдастыру басқармасының бастығы. Қарабеков Қанатбек Өмірзақұлы – ҚР ІІМ Кадр саясаты департаменті Ведомстволық білім беруді ұйымдастыру басқармасының жөніндегі аға инспекторы.

11.00-де Л.Н. Гумилев атындағы ЕҰУ-дың 25 жылдық мерейтойы аясында «Айқын» республикалық қоғамдық-саяси газетінің және «Медиа дизайн» зертханасының арнайы аудиториясы ашылады.

11.00-де Сыбайлас жемқорлыққа қарсы іс-қимыл агенттігінің елордадағы департаментінің ғимаратында Бас прокурор мен Сыбайлас жемқорлыққа қарсы іс-қимыл агенттігі төрағасының қатысуымен ведомствоаралық кеңес өтеді. Кездесу барысында Агенттік қызметінде қылмыстық іс жүргізудің үш деңгейлі моделін жүзеге асыру шараларының таныстырылымы өтеді.