Елбасының 5 институционалды реформасы қоғамның жаңғыруына үлкен серпін берді - Рахым Ошақбаев

«Қазақстанда соңғы 5 жылдың ішінде жемқорлыққа қарсы іс-қимылда қандай стратегияның барынша тиімді екендігіне қатысты тиктаникалық өзгерістер болды. Меніңше, бұл өзгерістер ел ішінде, сарапшылар арасында сыртқы контурада өте жақсы қабылданған Елбасының 5 институционалды реформасының арқасында 2015 жылдан басталды»,- деді ол IX Азаматтық форум аясында өтіп жатқан «Азаматтық қоғам жемқорлыққа қарсы» тақырыбындағы алаңда.

Оның айтуынша, аталған 5 реформада заң үстемдігі, біртектілік және бірлік, есеп беретін мемлекетті қалыптастыру сынды маңызды түсініктерге арқа сүйей отырып, инклюзивті институттар құру туралы сөз болды.

«Сонымен қатар инклюзивті экономикалық өсім сынды түсінік және осы идеологиялық тұғырнама аясында өте нақты әрі түсінікті тренд қалыптасты. Оның аясында ашықтық, транспаренттілік және есеп беретін мемлекет трендтері жүзеге асырылып жатыр. Оны түрлі мемлекеттік органдар, әртүрлі шенеуніктер әрқилы жылдамдықпен қабылдағаны сөзсіз. Дегенмен, мемлекеттік органдар, билік белгілі бір деңгейде халықтың сұранысына орай әрекет етіп жатыр. Жалпы, 5 институционалды реформа қоғамымызды жаңғыртуда Қазақстанға үлкен серпін бергенін көріп отырмыз»,- деді Рахым Ошақбаев.