+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Елбасы Алматыдағы Мәңгілік алауға гүл шоқтарын қойды

2018 жылғы 9 мамыр 11:58
Бөлісіңіз:
Елбасы Алматыдағы Мәңгілік алауға гүл шоқтарын қойды

АСТАНА. ҚазАқпарат - Қазақстан Президенті Нұрсұлтан Назарбаев Алматыдағы 28-ші панфиловшылар саябағында Мәңгілік алауға гүл шоқтарын қойды, деп хабарлайды ҚазАқпарат.

Мемлекет басшысы өз сөзінде 500-ге жуық қазақстандықтың Кеңес Одағының Батыры атанғанын, майданға аттанған 1,8 млн адамның жартысының қайта оралмағанын еске салды. Жантүршігерлік соғыс әр отбасы, әр адамның жүрегін жаралады.

«Біздің ата-бабаларымыз кескілескен шайқаста от кешіп, окоптардан кеуделерін оққа төсегенін білеміз. Олар отанымызды, біздің тыныштығымызды, ашық аспанымызды қорғады. Олар қаһармандық танытты. Бұл мерекені тойлау өскелең ұрпаққа ата-бабамыздың батырлығы мен жанкештілігін көрсету үшін керек. Біз - бейбіт елміз. Біз достық ортаны, елдегі тұрақтылықты, бауырмалдық пен өзара түсіністікті қалыптастыра отырып, өзіміздің тәуелсіз мемлекетімізді құрып келеміз. Біздің болашақтағы жетістіктеріміздің негізі осы деп білемін. Біз бейбіт ел болсақ та, сұрапыл соғысты ұмытқан жоқпыз», - деп мәлім етті Мемлекет басшысы.

nullnullnull

Елбасы Нұрсұлтан Назарбаев ардагерлерге алғыс айтты.

«Әрине, сіздер біраз жасқа келіп қалдыңыздар, көп нәрсені көрдіңіздер. Сіздердің араларыңыз жыл өткен сайын сиреп жатыр, бұл жүрегімізге қаяу түсіруде. Сіздер бар кезде біздер - сіздердің балаларыңыз, немерелеріңіз өзімізді баянды сезініп келеміз. Сіздердің ерліктеріңізден күш-қуат алып, отанымыздың патриоты болуды, өз жерімізді сүюді және отанымыз Қазақстан үшін қанымызды қиюды үйренудеміз! Қымбатты достар, сіздерді мерекелеріңізбен құттықтаймын!», - деді Нұрсұлтан Назарбаев.
null

Мінбенің төрінде Екінші дүниежүзілік соғыстың ардагерлері отырды.

nullnullnull
nullnull

Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT