+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Экология министрлігі алдағы он жылда қалдық көлемін 50 пайызға азайтпақ

2021 жылғы 16 қыркүйек 21:11
Бөлісіңіз:
Экология министрлігі алдағы он жылда қалдық көлемін 50 пайызға азайтпақ

НҰР-СҰЛТАН. ҚазАқпарат – Еліміздің жаңа экологиялық кодексіне сәйкес алдағы уақытта өңір әкімдіктері қоршаған ортаны жақсартуға қатысты көрсеткіштерді алдын ала бекітеді. Бұл туралы ҚР Экология, геология және табиғи ресурстар министрлігі Экологиялық реттеу және бақылау комитетінің төрағасы Зұлфұхар Жолдасов мәлім етті, деп хабарлайды ҚазАқпарат тілшісі.

Ұқсас жаңалықтар
Қызылордалық өнертапқыш Алматы ауасын жақсартуға үлес қоспақ ЖЕЭК отырысы: Қазақстан Президенті экологиялық қауіпсіздікке қатысты пікір білдірді 14 қазанда Қазақстанның үш қаласында ауа сапасы нашарлайды

«Еліміздегі экологиялық жағдайды жақсарта түсудің бір амалы өнеркәсіпте үздік қолжетімді технологияларды енгізу. Жаңа экологиялық кодекске сәйкес, 2025 жылдан бастап үздік қолжетімді технология жүйесіне көшу жоспарланып отыр. Соның арқасында алдағы 10 жылдың ішінде шығарылатын қалдықтар көлемі 50 пайызға дейін азаяды деген болжамға келіп отырмыз», - деді З. Жолдасов ОКҚ-де өткен баспасөз мәслихатында.

Сондай-ақ, комитет басшысы аталған кодекс аясында қоршаған ортаны қорғауда жергілікті атқарушы органдардың да міндеттелетінін айтып өтті.

«Кодекс күшіне енгеннен кейін, әкімдіктер әр 5 жыл сайын қоршаған орта сапасының мақсатты көрсеткіші мен оны жақсарту жөніндегі іс-шараларды бекітетін болады. Одан бөлек, әкімдіктерге ауа сапасы нашарлаған жағдайда қала аумағына көліктердің кіруіне шектеу қоюға және ауаны ластаушы кәсіпорындардың қызметіне уақытша шектеу енгізу құзыреті беріледі»,- дейді ол.

Бұған дейін министрлік өкілі отандық кәсіпорындардың қалдық көздеріне қатысты мониторинг жүйесін орнатуға міндеттелетіні туралы айтты.

Оның айтуынша, 2023 жылға дейін барлық ірі кәсіпорындар аталған жүйені орнатып, ол туралы комитетке деректер беріп отыруы тиіс.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Айдар Оспаналиев
Айдар Оспаналиев
954-059

MURAǴAT