20:24, 26 Ақпан 2019 | GMT +6
Екі күн бұрын жоғалып кеткен 21 жастағы алматылық табылды
АЛМАТЫ. ҚазАқпарат - Екі күн бұрын түнгі клубтардың біріне барып, жоғалып кеткен 21 жастағы алматылық дін аман табылды, деп хабарлайды ҚазАқпарат тілшісі.
«Полиция оның жоғалғаны туралы шағым түсіргенімнен кейін бірнеше сағаттың ішінде ұлымды тауып берді. Оның қайда болғанын айта алмаймын. Достарымен бірге болған. Бастысы - дін аман», - деп хабарлады жас жігіттің әкесі Мұрат Құндақбаев.
Еске салайық, Айбек Қаниев 24 ақпанда жоғалып кеткен. Соңғы рет оны таңғы 4-тер шамасында түнгі клубтардың бірінен көрген. Ұлының жоғалғаны туралы хабарды жігіттің әкесі әлеуметтік желіде хабарлады. Оны Алматы қалалық полициясы іздеп тапты.
Мая Теңізбаева