Досымжан Таңатаров: Құрғақ сөзден арылып, азаматтық парызымызды орындауға тиіспіз
«Бұл мен қатысып отырған алғашқы сайлау емес. Десек те, ерекшелігі көп. Бұрынғы сайлаулардан өзгешелігі – оны індет жайлаған кезеңде сақтық шараларына мойынсына отырып өткізу.
Бүгін азаматтық міндетімізді орындап, үміткерлерге дауыс бердік. Соңғы бір жылда елде тараған індетке байланысты қазір көп жерге бармаймыз. Дегенмен қиын жағдай туындағанда жеке бастың емес, елдің мүддесін ойлап, №9 сайлау учаскесіне барып, келешек үшін таңдауымды жасадым. Аталған учаскеде карантин талаптары қатаң сақталған. Ережеге сай қызмет көрсетілуде.
Көзі ашық, көкірегі ояу кез-келген азаматтың парызы болғаннан соң, құрғақ сөзден арылып, азаматтық парызымызды орындауға тиіспіз», - деді Досымжан Таңатаров.
Сондай-ақ, өнер иесі Қазақстан халқын таңдау жасайтын сәтте тосылмай, белсенділік танытып, дауыс беруге шақырды.
Фото: mnews.kz