Доллар бағасы сәл арзандады
11:45, 14 Қазан 2021
АЛМАТЫ. ҚазАқпарат - Қазақстан қор биржасындағы (KASE) сауда-саттық қорытындылары бойынша, теңгенің 1 долларға қатысты бағамы сәл төмендеді, деп хабарлайды ҚазАқпарат тілшісі.
Сауда-саттық мәліметтеріне қарағанда, доллар бағамы 13 қазан кешімен салыстырғанда 0,42 теңгеге арзандап, 1 доллар 425, 67 теңге болды.
Ұлттық банктің 14 қазандағы ресми бағамы – 1 доллар үшін 426, 15 теңге.
Kurs.kz мәліметінше, Алматыдағы ақша айырбастау пунктерінде доллардың сату бағамы 425, 45 теңге, сатып алу – 426, 93 теңге.
Ал Нұр-Сұлтан қаласы бойынша сату бағамы 425,67 теңгеден болса, сатып алу құны – 426, 82 теңге.