+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

«Дипломмен – ауылға» бағдарламасының орындалуы төмен: Сенаторлар Шортанды ауданында болды

2020 жылғы 13 қазан 22:05
Бөлісіңіз:
«Дипломмен – ауылға» бағдарламасының орындалуы төмен: Сенаторлар Шортанды ауданында болды

ШОРТАНДЫ. ҚазАқпарат - Парламент Сенатының депутаттары Ақмола облысының Шортанды ауданында болып, жергілікті тұрғындармен және жергілікті билік өкілдерімен кездесті, шаруа қожалықтарын аралап көрді, деп хабарлайды ҚазАқпарат тілшісі.

Палатаның баспасөз қызметінен мәлім еткендей, сенаторлар ауылдағы нақты жағдай мен өзекті мәселелерге, сондай-ақ ауылдық аумақтарды қолдау мен дамытуға арналған мемлекеттік бағдарламалардың орындалу сапасына назар аударды. Сенаттың Аграрлық мәселелер, табиғатты пайдалану және ауылдық аумақтарды дамыту комитетінің сапары 2020 жылғы 23 қазанда өтетін парламенттік тыңдауға дайындық аясында жасалған.

«Сенаторларға келген ақпарат бойынша ауыл тұрғындары қалаларға қоныс аударуда. Депутаттар сондай-ақ ауыл мектептері мен дәрігерлік мекемелердің жай-күйіне назар аударды. Республика бойынша олардың кейбірі күрделі жөндеуді немесе жаңа ғимараттар салуды қажет етеді. Ауыл тұрғындары сенаторлармен жүздесулерде ауылдағы жұмыспен қамту тақырыбын қозғады. Сонымен қатар, шаруа қожалықтарының басшылары білікті жас мамандардың жетіспейтінін тілге тиек етті», - делінген таратылған ақпаратта.

«Ауылға жоғары білімді жас мамандарды тартуда көптеген проблема бар. Бізде «Дипломмен – ауылға« бағдарламасы өте жақсы. Бірақ, өкінішке орай, бұл бағдарламаның орындалу сапасы төмен», - деді сенатор Ақылбек Күрішбаев.

Парламентшілер аграрлық жоғары оқу орындарын бітірген жас мамандардың 100% тек 30% ғана ауылға оралатынын атап өтті. Еліміздің көптеген ауылдарында осыған ұқсас жағдай қалыптасып отыр. Бірақ «Ауыл - Ел бесігі» бағдарламасының арқасында ауылдық елді мекендер жандана бастады - әлеуметтік нысандар қалпына келтірілуде және жаңа жұмыс орындары ашылуда.Сондықтан ауыл тұрғындары осы бағдарламаның одан әрі жүзеге асырылуына үміттеніп отыр.


Біздің каналымызға жазылыңыз:

Бөлісіңіз:

Автор:

Балнұр Қожагелді

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT