Димаш Құдайбергеннің Нью-Йорктегі концерті бүгін Qazaqstan арнасынан көрсетіледі

НҰР-СҰЛТАН. ҚазАқпарат - Бүгін Жаңа жыл мерекесіне орай Димаш Құдайбергеннің Нью-Йоркте өткен концертінің теленұсқасы көрсетіледі, деп хабарлайды ҚазАқпарат «Қазақстан» телерадиокорпорациясының баспасөз қызметіне сілтеме жасап.

Ұқсас жаңалықтар

Ақтоты Райымқұлова: Димаш Құдайберген Қазақстанның брендіне айналды

Қытайлық жас жұбайлар үйлену тойының тақырыбын Димашқа арнаған

АҚШ-тың әйгілі «Barclays Center» аренасына 51 елден 20 мыңға жуық тыңдарман жинаған 2019 жылдың ең ауқымды шоуын бүгін сағат 17:20-дан бастап «Qazaqstan» Ұлттық телеарнасы ұсынғалы отыр.

Одан бөлек, концерт алында көрерменге бір сағаттық арнайы жоба ұсынылады. Эксклюзив жобада Димаштың ата-анасымен бірге, қазақстандық және әлемнің түкпір-түкпіріндегі фанаттарының сұхбаттары беріледі.

«Космос және Әлемнің шексіздігі» атты шоуда Нұр-Сұлтанда өткен жазғы концерттің ең жақсы сәттері қамтылған. Димаш оркестрдің сүйемелдеуімен «Адай» күйін, өзге де композицияларды орындайды. Сондай-ақ, әндерін қазақ, ағылшын, орыс, француз, итальян және қытай тілдерінде шырқайды.