Димаш Құдайберген түскен Жаңа жылдық мюзиклдің трейлері желіде жарияланды

НҰР-СҰЛТАН. ҚазАқпарат – Танымал әнші Димаш Құдайберген телевизиялық Жаңа жыл мюзиклінде шығыс ханзадасы образында шығады, деп хабарлайды ҚазАқпарат.

«Мың бір түн немесе махаббат алаңы» мюзиклі («1001 ночь, или Территория любви») Ресейдің «НТВ» телеарнасында 31 желтоқсанда көрсетіледі. Жаңа жыл ертегісінде Димашпен бірге бірқатар ресейлік өнер жұлдыздары түскен. Телекөрермендер сұлтан рөліндегі Филипп Киркоровты, жынды сомдайтын Николай Басковты, кезбе әнші - Дима Биланды, Шахризаданы ойнайтын Екатерина Климованы, сиқыршы образындағы Игорь Крутойды көре алады.

Айта кетрлігі, Димаш Құдайберген Ресейде «Жылдың ең үздік әншісі» атанған болатын. Ал, Румынияда оның жанкүйерлері әншінің концертін ұйымдастырғысы келетіні айтылды.

Сондай-ақ, Димаш Құдайберген италиялық фэнтези жанрындағы фильмнің саундтрек әнін шырқайды. Туынды 2020 жылдың наурыз айында жарыққа шығады.