Диқандар ТЖ кезінде егіс науқанын рұқсат етілген жұмыстар қатарына енгізуді сұрады

«Елімізде төтенше жағдай енгізілгелі бері коронавирус пандемиясына байланысты көктемгі дала жұмыстарына қатысты адамдар мен техникаларды, азық-түлікті тасымалдау бойынша Ауыл шаруашылығы министрлігіне көптеген өтінім келіп түсті. Аталған мәселені шешу үшін министрлік облыс әкімдерінің бәрінің атына тиісті хат жолдады. Біз әкімдерден көктемгі дала жұмыстарын – төтенше жағдай уақытында рұқсат етілген жұмыстардың қатарына енгізуді өтініп отырмыз. Сонымен қатар, аймақ басшыларынан көктемгі дала жұмыстары кезінде шаруаларды техникамен, тыңайтқыштармен, өсімдікті қорғау құрылғыларымен, мұнай өнімдерімен қамтамасыз етуді бақылауға алуды өтінеміз», - деді Айдарбек Сапаров онлайн режимде ОКҚ-да өткен баспасөз мәслихатында.

Вице-министрдің айтуынша АШМ облыс әкімдіктеріне көктемгі дала жұмыстарын жүргізудің бірыңғай алгоритмін жолдаған. Ол алгоритм егіс науқанын өткізу үшін адамдар мен көліктердің жеке тізімін дайындауды қарастырады.

«Сонымен қатар, облыстық ауыл шаруашылығы басқармаларының басшылары мен «Атамекен» палатасының өңірлік филиалының басшыларын облыстық штабтың құрамына кіргізуді өтінеміз. Осылайша егіс науқанына араласатын адамдар мен техникалардың кедергісіз қозғалысын қамтамасыз еткіміз келеді», - деді ол.