+7 (701) 759 90 19
USD 419.45 EUR 504.64
RUB 5.68 CNY 64.88
Jańalyqtar

Депутат зейнетақы төлемдерін пайдалану ережесін тездетіп қабылдауды сұрады

2021 жылғы 20 қаңтар 13:07
Бөлісіңіз:
Депутат зейнетақы төлемдерін пайдалану ережесін тездетіп қабылдауды сұрады

НҰР-СҰЛТАН. ҚазАқпарат – Мәжіліс депутаты Аманжан Жамалов зейнетақы жинақтарының бір бөлігін тиісті мақсаттарға пайдалану бойынша заңға тәуелді нормативтік-құқықтық актілерді қабылдауды тездетуді сұрады, деп хабарлайды ҚазАқпарат тілшісі.

Ұқсас жаңалықтар
Комитет зейнетақы жинағынан салық қалай алынатынын түсіндірді Зейнетақы жинағын емделуге пайдалану үшін өтінім қабылдау басталды

Осы орайда ол 2020 жылдың қыркүйегінде Президент өз Жолдауында 2021 жылдан бастап қазақстандықтар зейнетақы жинағының бір бөлігін тұрғын үй жағдайын жақсартуға жұмсай алатынын жариялағанын еске салды. Бұл ретте тиісті заңға Мемлекет басшысы қол қойып, құжат заңды күшіне енді.

«Алайда Үкімет тарапынан баспана жағдайын жақсарту үшін біржолғы зейнетақы төлемдерін пайдалану ережесі әлі де қабылданбады. 761 мың азамат осы ережені күтіп отыр. Олардың көбісі баспана таңдап алған, ал бұл ереже жобасы түрлі келісулер бойынша кабинет аралап жүр. Осы орайда халық тарапынан көптеген ескертулер түсіп жатқанын айта кеткен жөн», - деді А. Жамалов ҚР Премьер-Министрі мен ҚР Ұлттық банкі төрағасының атына жолданған депутаттық сауалында.

Оның айтуынша, азаматтардың біразы баспананы 5 жыл ішінде сатуға болмайды деген шектеуге наразы.

«Бұл тұрғыда азаматтардың қарапайым өмірлік жағдайлары ескерілмеген, яғни басқа өңірге көшу, тұрғын үй жағдайын ары қарай жақсарту жоспарлары бар ғой. Президент тапсырмасы мен ел халқының үмітін ескере отырып, зейнетақы жинақтарының бір бөлігін пайдалану бойынша қажетті заңға тәуелді нормативтік-құқықтық актілерді қабылдауды тездетіп, 2021 жылғы қаңтар айының соңына дейін оларды іске қосуды сұраймын», - деді А. Жамалов.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT