Демалыс күндері Қостанай облысында саябақтар мен жағажайлар жабылады
Бүгін Қостанай облысының бас мемлекеттік санитар дәрігерінің орынбасары өңірде қатаң шектеу шараларын енгізу туралы қаулыға қол қойды.
Қаулыға сәйкес, саябақтарға, алаңдар мен скверлерге, жағалауларға, қоғамдық және ұйымдастырылмаған жағажайларға, өзге де демалыс орындарына баруға тыйым салынады. Тиісінше 8-10 және 15-17 тамыз күндері локдаун тәртібі енгізіледі. Осы күндері қостанайлықтар саябақтар мен жағажайларға бара алмайды.
Айта кетейік, 3 тамыз және 17 тамыз аралығында облыс территориясында қатаң шектеу шаралары қабылданады. Шектеу шаралары туралы Қостанай облысының бас мемлекеттік санитарлық дәрігерінің орынбасары Ю. Севостьянов хабарлады.
Жұмыс кестесі сағат 10:00-ден 17:00-ге дейін күшейтілген санитарлық-дезинфекциялық режимді сақтай отырып бектіледі.
Құрылыс материалдарын, санитарлық-техникалық және санитарлық-гигиеналық тауарларды, ауыл шаруашылығы мен саяжайға арналған тауарларды, авто және ауыл шаруашылығы техникасына арналған қосалқы бөлшектерді, салттық керек-жарақ пен тауарларды өткізумен айналысатын дүкендерді қоспағанда, азық-түлік сатпайтын дүкендердің жұмыс істеуіне тыйым салынады.