19:33, 30 Наурыз 2020 | GMT +6
COVID-19 жұқтырғандардың ішінде 21 науқас емделіп шықты – министр
НҰР-СҰЛТАН. ҚазАқпарат – Қазіргі уақытта 21 науқас емделіп шыққан. Бұл туралы елдегі коронавирус инфекциясы бойынша ағымдағы жағдай жайлы онлайн брифингте айтылды, деп хабарлайды ҚазАқпарат тілшісі.
«Коронавирус жұқтырған науқастардың ішінде сегізінің жағдайы нашар. Төртеуі жасанды вентиляцияда, жағдайы күнделікті республикалық бас мамандармен талқыланып, бақылауда болады. Сонымен қатар, орташа жағдайда - 30 науқас, жеңіл немесе симптомсыз жағдайдағы 244 науқас бар. Өкінішке қарай, Ақмола облысының бір тұрғыны қайтыс болды. Қазіргі уақытта 21 науқас емделіп шыққан. Оның ішінде Нұр-Сұлтан қаласында - 14 адам, Алматы қаласында - 7 адам», - дейді ҚР Денсаулық сақтау министрі Елжан Біртанов.