+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Бюджет тапшылығы жалпы ішкі өнімнің 3,5 пайыз деңгейінде болуы мүмкін

2020 жылғы 2 сәуір 09:32
Бөлісіңіз:
Бюджет тапшылығы жалпы ішкі өнімнің 3,5 пайыз деңгейінде болуы мүмкін

НҰР-СҰЛТАН. ҚазАқпарат - Бюджет тапшылығы жалпы ішкі өнімнің 3,5 пайыз деңгейінде болуы мүмкін. Бұл туралы Үкімет отырысында Ұлттық экономика министрі Руслан Дәленов айтты, деп хабарлайды ҚазАқпарат тілшісі.

«Бюджет кірістерінің тапшылығын жабу және дағдарысқа қарсы шаралар кешенін қаржыландыру үшін 2020 жылы Ұлттық қордан кепілдендірілген трансфертті 2 трлн 70 млрд теңгеге, яғни 4 трлн 770 млрд теңгеге дейін ұлғайту ұсынылады. Сіздердің қарауларыңызға республикалық бюджетті нақтылаудың Ерекше тәртібі аясында 2020-2022 жылдарға арналған кепілдендірілген трансферт туралы Заңға өзгерісті енгізу бойынша Президент Жарлығының жобасы енгізілді. Жалпы, республикалық бюджеттің шығыстарын бекітілген көлемге қарағанда 1,4 трлн теңгеге ұлғайта отырып, 14,3 трлн теңге көлемінде болжанады. Бюджет тапшылығы жалпы ішкі өнімнің 3,5 пайыз деңгейінде 841 млрд теңгеге ұлғайта отырып жоспарланады», - деді Руслан Дәленов.

Оның дерегінше, мұнайға қатысты емес тапшылық деңгейі жалпы ішкі өнімнің 10,8 пайызын құрайтын болады.

«Жоғарыда айтылғандардың негізінде, 2020-2024 жылдарға арналған әлеуметтік-экономикалық даму болжамы аясында 2020 жылға арналған макрокөрсеткіштер болжамын нақтылауды және кепілдендірілген трансфертті түзету бойынша Мемлекет Басшысы Жарлығының жобасын қолдауларыңызды сұраймын», - деді министр.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT