19:08, 20 Маусым 2021 | GMT +6
Бурабайда бес адам мінген қайық аударылды
КӨКШЕТАУ. ҚазАқпарат - Ақмола облысының Бурабай көлінде бес адам отырған қайық аударылып кетті, деп хабарлайды ҚазАқпарат тілшісі ҚР ТЖМ ресми өкілі Талғат Уәлиге сілтеме жасап.
«Бүгін сағат 17:45-те Бурабай ауданындағы Бурабай көлінде ТЖД күшімен бес адам құтқарылып, жағаға жеткізілді, олар отырған шағын яхта жүзу кезінде аударылып кетті», - делінген ҚР ТЖМ ресми өкілі Талғат Уәлидің мәлімдесінде.
Қаза болғандар мен зардап шеккендер жоқ.
Осы ретте, ҚР ТЖМ дауыл кезінде көлде суға шомылуға және қайықпен жүзуге болмайтындығын ескертеді.