05:00, 27 Қараша 2020 | GMT +6
Бүгін Қазақстанның 3 қаласында ауа ластанады
НҰР-СҰЛТАН. ҚазАқпарат – Бүгін Қазақстанның 3 қаласында қолайсыз метеорологиялық жағдай қалыптасып, ауа ластанады, деп хабарлайды ҚазАқпарат «Қазгидромет» РМК-ның деректеріне сілтеме жасап.
Кәсіпорын таратқан мәліметтерге қарағанда, бүгін 27 қарашада Нұр-Сұлтан, Теміртау, Өскемен қалаларында ауа сапасы төмендейді.
Өзге шаһарларда ауа сапасы норма шегінде болады. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.