17:40, 25 Қаңтар 2020 | GMT +6
Борыш жүктемесін төмендетуге қосымша қаражат сұралған жоқ – Еңбек министрлігі
НҰР-СҰЛТАН. ҚазАқпарат – ҚР Еңбек және халықты әлеуметтік қорғау министрлігі борыш жүктемесін төмендету үшін қосымша қаражат сұрағаны туралы ақпаратты теріске шығарды, деп хабарлайды ҚазАқпарат.
«ҚР Еңбек және халықты әлеуметтік қорғау министрлігінің 2020 жылы борыш жүктемесін төмендету үшін қосымша қаражат сұрағаны туралы БАҚ-та жарияланған ақпарат шындыққа сәйкес келмейді», - деп хабарланды министрліктің Facebook желісіндегі ресми парақшасында.
ҚР азаматтары үшін борыш жүктемесін төмендету 2019 жылы Мемлекет басшысының тапсырмасы бойынша жүргізілді және бір реттік қана акция болды.
«Бұл науқан өткен жылы аяқталды, оның қорытындысы бойынша жалпы сомасы 115 млрд теңгеге 554 мың адам үшін кепілсіз тұтыну кредиттері бойынша берешектер өтелді», - дейді министрлік.