«Богатырь Көмір» ЖШС қоршаған ортаны қорғауға 2 млрд теңгеге жуық қаражат жұмсады
Бұл туралы өңірлік коммуникациялар қызметінде өткен баспасөз мәслихатында «Богатырь Көмір» ЖШС техникалық директордың орынбасары Наталья Шулаева мәлім етті. - Табиғатты қорғау іс-шараларын іске асыру барысында жылдық жоспар бойынша 983 655 теңге болуы тиіс еді, - дейді Наталья Шулаева. - Бірақ біздің кәсіпорын қоршаған ортаны қорғауға 9 ай ішінде 2 млрд теңгеге жуық қаражат жұмсады. Экологиялық тиімділік, яғни қоршаған ортаға эмиссиялардың азаю көрсеткіші 27 486 695,1 мың тоннаны құрайды. Сондай-ақ, кен өндіретін орындарда көмірді экскавациялау, роторлы экскаваторлардың қазба жұмыстарды жүргізу барысында шаңды басуға 73 334,6 мың теңге жұмсалды.
Спикердің айтуынша, аталмыш кәсіпорын кеніштердің автожолдарында шаңды басуға шахталы суларды пайдаланады. Сол себепті, ластаушы заттардың шығыны 2,84 тоннаға азайды. Сонымен қатар, экскаваторлық төгулерді оқшаулау және үйінділердің жабындысын инертті жыныстармен тығыздау жұмыстары жүргізіледі. Шараны орындау барысында 55 258,1 мың теңге жұмсалды. - Суландырылған ұңғымаларда жұмысты жүзеге асыру ауаға таралатын ластауыш заттар көлемін азайтуға мүмкіндік береді, - деді Наталья Шулаева. – Бұл 120,4 тоннаны құрайды. Оған қоса, бұрғылау білдектерінің шантұтушы жүйелерін жөндеу қарастырылды. Оған кететін шығын 8 222,9 мың теңгені құрайды. Сондай-ақ, 3 және 5 учаскелерінің шекараларында уақытша ішкі үйінділерде аршу жұмыстарын жүргізу қамтамасыз етілді. Қазылған кеңістікті қалау бойынша «Северный» және «Богатырь» кеніштерінің ішкі үйінділеріне аршыма тау жыныстарын орналастыру көлемін 27 486 543,72 тоннаға азайтуға мүмкіндік береді. Бұл шараға 1 806 892,8 мың теңге жұмсалды.
Наталья Шулаеваның сөзіне қарағанда, өндіріс пен тұтынудан келетін қалдықтармен ластануды алдын алу шарасына 8 132, 86 мың теңге жұмсалды. Ландшафттық саналуандылықты қолдау, өндірістік алаңдарды көгалдандыру, ағаш қорын күтуге жұмсалған қаражат 3 631,6 мың теңгені құрайды.