Блокпостағы кептеліс бүгін-ертең шешіледі – Алматы әкімдігі

None
None
АЛМАТЫ. ҚазАқпарат – Алматы әкімінің бірінші орынбасары Ерлан Қожағапанов қалаға кіреберістегі кептелістерге қатысты түсінік берді, деп хабарлайды ҚазАқпарат тілшісі.

«Қазір қалада 700 полиция қызметкері 22 блокпоста 2-3 ауысыммен жұмыс істеп жатыр. Бір блокпосқа 10 адамнан келеді. Алайда, біз блокпостың периметрін де ескеруіміз керек. Ол территория да бақылауды қажет етеді. Қазір карантин шараларының бәсеңсуіне байланысты қалаға кіретін-шығатын көліктердің саны артып келеді», - деді Ерлан Қожағапанов.

Оның айтуынша, қазір әр блокпоста полиция қызметкерлерінің қолына берілетін планшеттер саны көбейген.

«Біз 1-2 күнде осы мәселені шешеміз», - деді ол.

Бұған дейін карантин режимінің сақталуын бақылайтын полиция қызметкерлерінің саны артқанын жазған болатынбыз.


Соңғы жаңалықтар