+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

БҚО медицина мекемелерінде қорғаныс құралдарының 1,5 айлық қоры бар

2020 жылғы 22 қазан 09:08
Бөлісіңіз:
БҚО медицина мекемелерінде қорғаныс құралдарының 1,5 айлық қоры бар

ОРАЛ. ҚазАқпарат – Батыс Қазақстан облысының медицина мекемелерінде қорғаныс құралдарының ай жарымдық қоры бар, деп хабарлайды ҚазАқпарат тілшісі.

БҚО денсаулық сақтау басқармасы мәлім еткеніндей, медицина мекемелерінде 35353 дана бірреттік, 3107 көпреттік костюм дайын тұр.

Сондай-ақ 2,6 млн астам дана бір реттік маска, қорғаныштық деңгейі жоғары 47874 маска, 335511 жұп бірреттік қолғап, 12861 литр антисептик бар.

Облыстық кәсіпкерлік және индустриалдық-инновациялық даму басқармасының мәліметі бойынша «Талап» АҚ «ПромоАрт», «MegaPharma» ЖШС-мен орта есеппен 40 теңгеден медициналық маска жеткізуге келісімшарт жасасқан. Күні бүгінге дейін 40 мың дана әкелінген.

Облыста маска (136551 дана), антисептик (5 мың литр), дезинфекциялық құралдар (6 тонна) жеткілікті.

Отандық өндіруші «Казмедком» ЖШС мемлекеттік тіркеуден өткен кезде айына қосымша 1 млн дана маска тіге алады.

Облыстық тауарлар мен көрсетілетін қызметтердің сапасы мен қауіпсіздігін бақылау департаментінен түскен ақпаратқа қарағанда, «AQJAIYQ» ӘКК» АҚ қорында күні бүгін 1,820 млн дана маска бар.

Облыс дәріханаларында дәрі-дәрмек пен медициналық маскалардың қаншалықты екендігі жөнінде онлайн түрде мониторинг жүргізіледі. Күн сайын фармацевтер мобильдік қосымша арқылы www.stopcovid.kz сайтына мәлімет беріп отырады. Мысалы, дәріханаларда бүгін 139 мыңдай маска болса, көтерме сауда фирмаларында 69873 дана маска тағы бар.

Дәріханаларда медициналық маскалар 35-тен 60 теңгеге дейінгі бағамен сатылуда.

Еске сала кетейік, бұдан бұрын БҚО-да тұрғындардың 24 рет той өтіп жатқаны жөнінде хабарлағанын жазған болатынбыз.




Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT