Валюта бағамдары:
    usd/kzt 466.44 eur/kzt 487.71

    rub/kzt 8.56 cny/kzt 69.65
Ауа райы:
Нұр-Сұлтан: 1 °С
Алматы: 15 °С

БҚО-да жоғалған бала түнде шөптің ішінде ұйықтап қалған

2022 жылғы 15 мамыр 10:38

ОРАЛ. ҚазАқпарат – Батыс Қазақстан облысында түнде жоғалған 11 жасар бала таңмен табылды, деп хабарлайды ҚазАқпарат тілшісі.

БҚО полиция департаментінің ресми өкілі Болатбек Нұрғожиннің мәлім еткеніндей, оқиға Бәйтерек ауданы Дариян ауылында 14 мамыр күні болды.

Осындағы орта мектептің 5-сыныбында оқитын, биыл күзде 12-ге толатын Руханият Махамбетұлы шамамен сағат 22.30-да А.Пушкин көшесіндегі үйінен шығып кеткен.

«Ата-аналар өздігінен таба алмаған соң, таңғы сағат 04.00-де полицияға жүгінген. Бұрын бала үйінен кетпеген. Оны іздестіруге Приурал полиция бөлімінің жеке құрамы, шекарашылар және өрт сөндірушілер жұмылдырылды. Баланы полиция қызметкерлері таңмен сағат 05.00-де тапты. Ол жаураған соң шөпке оранып ұйықтап қалған», деді Б.Нұрғожин.

Еске сала кетейік, бұдан бұрын БҚО-да хабарсыз кеткен 17 жастағы бозбала іздестіріліп жатқанын жазған болатынбыз.


Автор:

Елжан Ералы

Новости по теме