+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

БҚО-да үйдің жертөлесінен ер адамның мүрдесі табылды

2020 жылғы 28 қазан 23:16
Бөлісіңіз:
БҚО-да үйдің жертөлесінен ер адамның мүрдесі табылды

ОРАЛ. ҚазАқпарат – Оралда зорлық белгілері бар ер адамның мүрдесі табылды, деп хабарлайды ҚазАқпарат тілшісі.

БҚО Полиция департаментінің баспасөз қызметінен мәлім еткеніндей, оқиға 25 қазан күні «Құрылысшы» шағынауданында болды.

Сағат 08.30-да осындағы үйлердің бірінің жертөлесінен зорлық белгілерімен 36 жастағы тұрғынның денесі табылды.

Жедел-іздестіру шаралары барысында полиция қызметкерлері 33 жастағы ер адамды ұстады.

ҚР Қылмыстық іс жүргізу кодексі 128-бабына сәйкес күдікті Орал қалалық Полиция басқармасының уақытша оқшаулау изоляторына қамалды.

Қазіргі кезде ҚР ҚК 106-бабы 3-бөлігіне (абайсызда жәбiрленушiнiң өліміне әкеп соққан ауыр дене жарақатын келтіру) сәйкес сотқа дейінгі тергеу амалдары жүргізілуде.

Полиция департаментінен тағы бір оқиға жөнінде хабарлады. Сол күні сағат 15.30 шамасында Мұхит көшесі бойында «КазИИТУ» ғимараты жанында белгісіз біреу 29 жастағы азаматқа іш тұсынан, білегінен және басынан шөлмектің сынығымен жарақат келтірген.

Жәбірленуші облыстық көпбейінді аурухананың жансақтау бөліміне жатқызылды.

Бұған күдікті ретінде бұрын қылмыстық жауапкершілікке тартылған 25 жастағы СҚО тұрғыны қолға түсіп, ол да қамауға алынды.

Бұл оқиға бойынша да ҚР ҚК 106-бабына сәйкес қылмыстық іс қозғалды.

Еске сала кетейік, бұдан бұрын Оралда төртінші қабаттан секірмек болған 32 жастағы әйелдің құтқарылғанын жазған едік.


Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT