+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

БҚО-да төтенше жағдай талабын бұзған 8 мейрамхана иесі қамауға алынды

2020 жылғы 25 наурыз 14:10
Бөлісіңіз:
БҚО-да төтенше жағдай талабын бұзған 8 мейрамхана иесі қамауға алынды

ОРАЛ. ҚазАқпарат – Батыс Қазақстан облысында төтенше жағдай талабын бұзған 8 мейрамхана иесі қамаққа алынды, деп хабарлайды ҚазАқпарат тілшісі.

Ұқсас жаңалықтар
БҚО-да төтенше жағдай талабын бұзған ақтөбелік жүргізуші қамауға алынды ШҚО-да бір күнде төтенше жағдай режимін бұзған 7 кәсіпкер анықталды Қызылордада ауыл әкімі төтенше жағдай кезінде тойға барған

БҚО полиция департаментінің баспасөз қызметінен түскен мәліметке қарағанда, барлығы 13 әкімшілік іс қозғалды.

Соның ішінде үш кәсіпкерге айыппұл салынса, 8-і қамаққа алынды. Тағы екі іс қаралу үстінде.

Мысалы, Орал қаласында «Көркем» мейрамханасы 19 наурыз күні сағат 22.00-ден кейін қызметін тоқтатпаған. Орал қаласы мамандандырылған әкімшілік сотының қаулысымен ҚР Әкімшілік құқық бұзу кодексі 476-бабы 6-тармағына сәйкес мейрамхана иесі 10 тәулікке қамалды.

Осындай «қызметі» үшін Оралдағы «Мистер Донер» кафесі, «Пифкoff» сыра бары, Ақжайық ауданы Чапаев ауылындағы «Арман» кафесі иелері де 10 тәулікке қамаққа алынды. Осы ауылдағы «Смайл» кафесінің иесіне 2 тәулік әкімшілік қамаққа алу жазасы кесілді.

Бәйтерек ауданы Мичурин ауылындағы «Кемпинг Евразия» кафесінің иесі 13 тәулікке қамалды.

Оралдағы «Светлана» кафесінің иесіне 10 АЕК көлемінде айыппұл салынды.

Бөкей ордасы ауданы Сайқын ауылындағы «Думан» кафесінде 23 наурыз күні 70-дей адам қатысқан қаралы жиын болған. Бұл кафе иесіне де 10 АЕК көлемінде айыппұл салынды.

Ал Жаңақала ауданы Жаңақала ауылындағы «Ғайса» мейрамханасында 160 адам қатысқан салтанатты шара өткен. Жаңақала аудандық сотының қаулысымен бұл мейрамхана иесі 3 тәулікке қамалды.

БҚО сотының баспасөз қызметі қаулының заңды күшіне енбегенін жеткізді.

Еске сала кетейік, бұдан бұрын БҚО-да 22 мың масканы алып кетіп бара жатқан ресейлік ұсталғанын, 148 адамның медициналық бақылауға алынғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT