14:06, 03 Желтоқсан 2020 | GMT +6
БҚО-да көлік қағып кеткен 61 жастағы ер адам қаза тапты
ОРАЛ. ҚазАқпарат – Батыс Қазақстан облысында көлік қағып кеткен 61 жастағы ер адам қаза тапты, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, оқиға 26 қараша күні Подстепный-Елек тас жолында болды.
Сағат 19.10-да 45 жастағы жүргізуші айдап келе жатқан «Ларгус» автокөлігінің 61 жастағы жаяу жүргіншіні қағып кеткені жөнінде хабар түскен.
Марқұм алған жарақаттары салдарынан жедел жәрдем келгенге дейін көз жұмды.
Мүрде сот-медициналық сараптамаға жіберілді. Автокөлік арнайы тұраққа қойылды.
Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде.
Еске сала кетейік, бұдан бұрын БҚО-дағы жол апатынан бесінші адамның көз жұмғанын жазған болатынбыз.