21:02, 05 Тамыз 2021 | GMT +6
БҚО-да Ashyq-пен істейтін нысандардың тізімі кеңейді: Жаңа қаулы
НҰР-СҰЛТАН. ҚазАқпарат – Батыс Қазақстан облысы Бас санитар дәрігерінің Ashyq арқылы жұмыс істейтін нысандардың тізімін кеңейтуді көздейтін жаңа қаулысы шықты, деп хабарлайды ҚазАқпарат тілшісі.
Жаңа құжатта өңірдің Бас санитар дәрігерінің 2021 жылғы 26 маусымдағы №14 қаулысымен бірге бекітілген 1-қосымшаның жаңа мазмұнда жазылатыны айтылған. Аталмыш қосымшада Ashyq жобасы арқылы жұмыс істеуге хақылы нысандардың тізімі берілген.
Қосымшада бұдан былай түнгі және ойын клубтарының, кальян орындары мен барлардың жұмысына ғана толықтай тыйым салынатыны айтылған.
Ал Ashyq жобасы арқылы жұмыс істейтін нысандардың қызмет уақыты төмендегі кестеде берілген.
Қаулының толық мәнітін мына жерден көруге болады.
