+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

БҚО блокпостында есірткіге елтіген жүргізуші ұсталды

2020 жылғы 6 сәуір 21:50
Бөлісіңіз:
БҚО блокпостында есірткіге елтіген жүргізуші ұсталды

ОРАЛ. ҚазАқпарат – Батыс Қазақстан облысында блокпосттардың бірінде есірткіге елтіген жүргізуші ұсталды, деп хабарлайды ҚазАқпарат тілшісі.

БҚО полиция департаментінің ресми өкілі Болатбек Белгібековтің мәлім еткеніндей, оқиға 5 сәуір күні Бәйтерек ауданы Новенький ауылы тұсындағы №8 блокпостта болды.

«ВАЗ-2121 Нива» автокөлігі жүргізушісінің құжаттарын тексеру кезінде полицейлер одан есірткі тұтынды деп күдіктенген.

Наркологиялық сараптама қорытындысына сәйкес, 30 жастағы Ш. есірткіге елтіп алғаны анықталды.

«Осы оқиға бойынша ҚР Әкімшілік құқықбұзушылық кодексі 608-бабы 1-бөлігіне (жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру) сәйкес хаттама толтырылды. Бұл бап бойынша он бес тәулікке әкімшілік қамаққа алу және жеті жыл мерзімге көлік құралын басқару құқығынан айыру жазасы қарастырылған», деді ҚазАқпарат тілшісіне Б.Белгібеков.

Еске сала кетейік, бұдан бұрын Оралда блокпостты айналып қашқан жүргізушінің ұсталғанын және сауық кешін өткізген блогердің 10 тәулікке қамалғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT