БҚО әкімінің тұрғындармен кездесуі онлайн түрде өтеді

None
None
ОРАЛ. ҚазАқпарат – Батыс Қазақстан облысы әкімінің тұрғындармен кездесуі онлайн түрде өтеді, деп хабарлайды ҚазАқпарат тілшісі.

БҚО әкімінің баспасөз қызметі мәлім еткеніндей, аудандар мен Орал қаласы басшыларының есептері 3-16 ақпан аралығында жоспарланған. Облыс әкімінің қорытынды есеп беру кездесуі 20 ақпан күні өтеді.

Тұрғындардың қауіпсіздігін қамтамасыз ету мақсатында облыс, қала және аудан әкімдерінің есептік кездесулері онлайн режімінде өткізіледі. Облыс пен қала әкімінің есептік кездесуі тікелей эфир форматында облыстық телеарна мен әкімдіктің әлеуметтік желілердегі ресми парақшаларында ұйымдастырылады.

Тұрғындардың есеп беру кездесулеріне онлайн түрде қатысу тәртібі мен тікелей эфирге сілтемелер кейін хабарланады.

Халықтың ұсыныстарын, ескертулері мен пікірлерін жинауды қамтамасыз ету мақсатында әкімдік ғимараттарында арнайы жәшіктер орнатылды.

Еске сала кетсек, қазіргі кезде ауылдық округ әкімдері санитарлық талапты сақтай отырып, тұрғындармен тікелей кездесіп, есеп беріп жатыр.


Соңғы жаңалықтар