Биыл Қазақстанның 7 өңірінде автожолдар жөнделіп, пайдалануға берілді

НҰР-СҰЛТАН. ҚазАқпарат - Биыл Қазақстанның 7 өңірінде республикалық маңызды автожолдар жөнделіп, пайдалануға берілді, деп хабарлайды ҚазАқпарат.

Ұқсас жаңалықтар

Түркістан облысында 1500 шақырымнан астам жол жөнделді

Облыстық және аудандық жолдардың сапасы 75%-ға дейін өсті - ИИДМ

ҚР Индустрия және инфрақұрылымдық даму министрлігінің мәліметінше, бүгінге дейін жалпы ұзындығы 399 шақырым болатын республикалық маңызы бар автомобиль жолының 8 учаскесі қолданысқа берілді.

Құрылыс еліміздің 7 өңірінде аяқталды.

Мәселен, Павлодар облысында «Нұр-Сұлтан – Павлодар» тасжолының 91 шақырымы пайдалануға берілді.

Солтүстік Қазақстан облысында жолшылар ұзындығы 36 шақырым болатын «Петропавл-РФ шекарасы, Көкшетау қаласына кіреберіс» учаскесін қайта жаңартты.

Ал Маңғыстау облысында «Бейнеу – Ақжігіт» жолының 0-85 шақырымы және «Жетібай-Жаңаөзен» жолының 73 шақырымы тапсырылды.

Ақтөбе облысында республикалық маңызы бар «Ақтөбе-Қандыағаш-Атырау» автожолының ұзындығы 17 шақырымдық учаскесі реконструкциядан өтіп, қолданысқа берілді.

Бұдан бөлек, Атырау облысында «Атырау-Астрахань» тасжолының 20 шақырымдық аумағы мен Алматы облысында «Үшарал – Достық» жолының 30-60 км учаскесі де жаңартылды.

Сондай-ақ, жол компаниялары Орталық-Оңтүстік дәлізінің екі аумағын пайдалануға берді. Ол - 47 шақырымды құрайтын Қарағанды қаласының солтүстік және шығыс айналма жолы.

Айта кетейік, биыл елімізде жаңарту жұмысымен республикалық маңызы бар автожолдардың 4 мың шақырымы қамтылған.