+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Біртанов: Халық пен медицина қызметкерлерін медициналық қорғаныс құралымен қамтамасыз ету қажет⠀

2020 жылғы 23 мамыр 12:39
Бөлісіңіз:
Біртанов: Халық пен медицина қызметкерлерін медициналық қорғаныс құралымен қамтамасыз ету қажет⠀

АЛМАТЫ. ҚазАқпарат - Халық пен медицина қызметкерлерін медициналық қорғаныс құралымен қамтамасыз ету қажет. Алматыда өткен селекторлық кеңесте ҚР Денсаулық сақтау министрі Елжан Біртанов осылай мәлім етті деп, деп хабарлайды ҚазАқпарат министрліктің баспасөз қызметіне сілтеме жасап.

Министр «Dolce» компаниясына барып, фармацептикалық кәсіпорынның өнімдерімен танысты, цехты аралады және компаниядағылар өндірістік жоспарларымен бөлісті.

Министр зауытты аралап болған соң, фармацевтикалық компанияның, Денсаулық сақтау министрлігі мен ведомствоға қарасты ұйымдардың қызметкерлерінің қатысуымен селекторлық кеңес өткізді.⠀

Онлайн жиында медицина қызметкерлерін, халықты қорғаныс құралдарымен қамтамасыз ету мәселесі талқыланды.⠀

Елжан Біртановтың айтуынша, бастысы - тұрғындар мен медицина қызметкерлерін коронавирус инфекциясынан қорғайтын маска және өзге де медициналық құралдармен қамтамасыз ету қажет.⠀


Президенттің тапсырмасына сәйкес, елімізде коронавирус пандемиясы кезінде сапалы қорғаныс құралдарының қоры жеткілікті болуы тиіс.⠀

«Осы мақсатта біз отандық тауар өндірушілермен үнемі байланыстамыз. Ал «Dolce» еліміз бойынша мемлекеттік тапсырысты орындайтын және Орта Азия мен ТМД мемлекеттеріне медициналық бұйым экспорттайтын қазақстандық кәсіпорындардың бірі», - деді министр.⠀

Министр кеңес соңында осы саладағы жүйені ретке келтіру үшін бірқатар тапсырма берді.

Айта кетерлігі, «Dolce» компаниясында 400 жуық адам жұмыс істейді. Зауыт 110 астам медициналық бұйым шығарады. Тәулігіне шамамен 300 мың медициналық маска өндіреді. Компанияның барлық өнімдері халықаралық стандарттар бойынша сертификатталған.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT