+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

«Birgemiz» қоры 50 мың теңге көмекті 50 мыңнан астам адамға таратты

2020 жылғы 9 сәуір 13:55
Бөлісіңіз:
«Birgemiz» қоры 50 мың теңге көмекті 50 мыңнан астам адамға таратты

НҰР-СҰЛТАН. ҚазАқпарат - «Сіздің есебіңізге 50 000 теңге түсті. #BizBirgemiz #Елбасы #Nur Otan». Осындай хабарланы әлеуметтік жағынан әлсіз топқа жататын қазақстандық отбасылар алып жатыр, деп хабарлайды ҚазАқпарат «Birgemiz» қорына сілтеме жасап.

Нұрсұлтан Назарбаевтың бастамасымен құрылған «Birgemiz» Қоғамдық қоры Қамқоршылық кеңесінің өткен аптадағы отырысында коронавируспен күрес жағдайында халықтың әлеуметтік әлсіз санатына кіретін мұқтаж жандарға 50 мың теңгеден бөлу туралы шешім қабылданған еді.

Бастапқыда қор қаражатын 100 мың мұқтаж азаматқа тарату жоспарланған. Әйтсе де, өңірлерден түскен өтініштер саны айтарлықтай өсіп, ал партияның онлайн ресурстарына көмек сұрап хабарласушылар саны екі есеге артты. Сондықтан, Елбасының тапсырмасы бойынша Мемлекет басшысының бастамасымен қолға алынған «Biz Birgemiz» акциясының аясында, бірінші кезеңде қаржылық қолдауды 150 мыңнан аса мұқтаж азаматқа көрсету туралы шешім қабылданды.

«Birgemiz» қоғамдық қорының төрағасы Руслан Сакеевтің мәліметінше, қазіргі таңда 50 мың теңге материалдық көмекті 50 мыңнан аса адам алып үлгерді.

«7,6 миллиард теңге қаражат аймақтық қорлардың есебіне түсті. Ақша сол жақтан көмек алушылардың банктегі есеп-шотына аударылады. Бұлар негізінен карантин қиындықтарын көбірек шегіп жатқан 23 ірі қаланың тұрғыны. Әкімдер мен әлеуметтік қорғау органдары ұсынған көмек алушы тізімдерінде табыс деңгейі ең төмен әлеуметтік әлсіз топтардан құралған азаматтар қамтылған. Оның ішінде аз қамтылған және көпбалалы отбасылар, мұқтаж мүгедек жандар, мүмкіндігі шектеулі бала тәрбиелеп отырған отбасылар, ең төменгі зейнетақы алатын және әлеуметтік жағынан әлсіз топқа кіретін зейнеткерлер, жетім балалар, ҰОС-ның ардагерлері мен оларға теңестірілген тыл еңбеккерлері бар», - деді Руслан Сәкеев.

Сонымен қатар, ол материалдық көмекті екінші деңгейдегі банк арқылы жеке тұлғалардың картасына немесе есепшотына аудару кезінде одан комиссия алынбайтынын айтты. Сондай-ақ, бұл қаражатты несиесі бойынша қарызы бар азаматтардың берешегін өтеу үшін ұсталып қалмауы да ескерілген.

«Бүгін ерекше қажеттілігі бар балаларды тәрбиелеп отырған отбасылар «Bizbirgemiz« қорынан 50 000 теңге көмек ала бастады. Бұл Елбасы мен Nur Otan партиясының арқасында жүзеге асып отыр. Әлеуметтік саясатты дұрыс бағытта жүргізіп, ардагерлерді, ерекше қажеттілігі бар балаларды және тұрғындардың әлеуметтік әлсіз топтарын ешқашан қамқорлықсыз қалдырмайтындарыңыз үшін алғысымызды білдіреміз. Осындай қиын уақытта әрбірінің есебіне 50 мың теңгеден аударып, мүгедек балаларды да назардан тыс қалдырмадыңыздар», - деп жазды «Орда» елордалық аутизімі бар балалардың ата-аналар бірлестігінің жетекшісі Салтанат Есмағамбетова Facebook-тегі парақшасында .

«Бүгін менің картама #Birgemiz қорынан 50 мың теңге түскені туралы хабарламаны алып қуанып қалдым. Елбасына және Nur Otan партиясына қазіргідей қиын кезеңде бізді елеп-ескергені үшін рақмет айтамын. Естуім бойынша, мұндай көмекті аз қамтылған көпбалалы отбасылар, 1 топ мүгедектері, жетім балалар алады. Қала тұрғындарынан карантин уақытында барлық қауіпсіздік шараларын қатаң сақтап, аса қажет болмаған жағдайда үйден шықпауларын өтінемін. Біз бірге барлық сынаққа төтеп бере аламыз. #BizBirgemiz!», - деп жазды Алматы қаласының тұрғыны, үш баланың анасы Әсел Омарова Instagram-дағы парақшасында.

Жалпы «Birgemiz» қоғамдық қорының есепшотына 14 млрд теңгеге жуық қаржы түсті. Жуық арада 50 мың теңге көлеміндегі біржолғы төлемді індет жұқтырғандардың 70%-ке жуығы шоғырланған Нұр-Сұлтан және Алматы қалаларының 2 мыңнан астам дәрігері де алады.

«СҚ-Фармация» үкіметтік операторымен Нұр-Сұлтан, Алматы және Шымкент қалалары тұрғындарының әлсіз топтарына тегін тарату үшін 5 миллион маска сатып алу туралы шартқа қол қойылды. Жиналған қаражат және өңірлер бойынша бөлінген көмек туралы ақпаратты бақылап отыру үшін қор арнайы сайт ашты.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT