13:13, 02 Шілде 2019 | GMT +6
Бейжіңде Домбыра күні тойланды
БЕЙЖІҢ. ҚазАқпарат - Бүгін Бейжіңде тұратын қазақстандықтар Домбыра күнін тойлады, деп хабарлайды ҚазАқпараттың Қытайдағы меншікті тілшісі.
Мерекелік шараны Қазақстан Республикасының Қытайдағы Елшілігі «Балдырған» балаларды дамыту орталығымен бірге ұйымдастырды.
Студенттер - Саят Ешматов пен Думан Көшербай Құрманғазы күйлері мен Нұрғиса Тілендиевтің туындыларын домбырамен орындады, жеті жасар Айқын Тәттібай «Мұғалім» композициясымен тәнті етті.
«Ұлттық домбыра күні - қазақ мәдениетінің өзегі болған домбыраны қастерлеудің белгісі. Белгілі ақын Қадыр Мырзалиев айтпақшы, «Нағыз қазақ қазақ емес, нағыз қазақ - домбыра», - дейді Бейжіңнің Екінші шет тілдері институтының 2-курс студенті С. Ешматов.
Автор: Садық Әкежанов