Бейжіңде 1,3 миллионға жуық адам COVID-19 тестісінен өтті
Өткен сейсенбідегі жағдай бойынша, Шунья ауданының 1,25 миллион тұрғынында коронавирус анықталмады.
Осы аптада Шуньяда жергілікті COVID-19 инфекциясының жеті жаңа расталған жағдайы тіркелді. Науқастармен байланыста болған 1 мыңнан астам адам анықталды. Олардың барлығы медициналық бақылауда. Бейжің әкімшілігінің ресми өкілі Сю Хэцзянның айтуынша, «бірде-бір адам ұмыт қалмас үшін» коронавирусты тестілеуге көбірек көңіл бөліп, COVID-19-дың қоршаған ортасын іріктеуді кеңейту керек.
Сонымен бірге, Қытай шенеунігі Бейжіңге шетелден келген адамдар үшін 21 күндік карантинді қатаң сақтауға шақырды. Ресми мәліметтерге сәйкес, ҚХР материгінде коронавирус жұқтырғандардың 94,26%-ы емделіп шықты.
2019 жылдың желтоқсан айынан бастап жұқтырғандар саны 87 мыңнан асты, медициналық мекемелерде коронавирус инфекциясы бар 356 адам жатыр.
Соңғы 24 сағат ішінде (алдыңғы жарты жылдағыдай) елде бірде-бір өлім тіркелген жоқ, өлім көрсеткіші 5,32%-ды құрайды (4634 адам қайтыс болды).