+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Белгілі әнші-композитор Гүлнәр Дәукенова өмірден озды

2020 жылғы 13 мамыр 21:38
Бөлісіңіз:
Белгілі әнші-композитор Гүлнәр Дәукенова өмірден озды

ОРАЛ. ҚазАқпарат – Белгілі әнші-композитор, Қазақстанның еңбек сіңірген әртісі, ҚР Композиторлар одағының мүшесі Гүлнәр Дәукенова өмірден озды, деп хабарлайды ҚазАқпарат тілшісі.

Қ.Қуанышбаев атындағы қазақ мемлекеттік академиялық драма театрының директоры, режиссер Асхат Маемиров Facebook парақшасында мәлім еткендей, Гүлнәр Дәукенова Алашын өміршең әндерімен, көкейкесті күйлерімен тербеген әнші-композитор еді.

Халық арасына кеңінен танылған «Сағындым сағым жылдар», «Күрең күз», «Қайран уақыт», «Шыңдағы шынарым-ай», «Мөлдір сезім» секілді көптеген әндердің авторы Гүлнар Дәукенованың туындылары да өзінің жан дүниесі секілді шынайылыққа, сыршылдыққа, лиризмге толы болатын. Ширек ғасырдан астам уақыт ұлттық музыкамыздың қара шаңырағы – Құрманғазы оркестрінде еңбек етті. Еліміз тәуелсіздігін алған тұста үлкен толғаныстан туған «Жасай бер, Қазақстаным!» күйі көптеген оркестрлердің репертуарының алтын қорына енді.

Елге деген махаббатын әнмен, күймен өрнектеген Гүлнәр Дәукенова өмірде кішілік пен кісілікті, адалдық пен мейірімді, адамгершілік асыл қасиеттерді ту етті. Көптеген әндері марқұм Мәдина Ералиева шығармашылығының бойтұмарына айналды. Халық әртістері Н.Нүсіпжанов, Р.Рымбаева, М.Жүнісова және А.Қосанова, Г.Дәуірбаева, М.Түсіпбаева, А.Иманбай, Г.Оразымбетова, А.Керімбекова, Мирас пен Құралай, «Жігіттер» квартеті, «Кешью» топтарының репетуарынан Г.Дәукенованың әндері берік орын алды. Өнер әлемінде өзіндік орны, өз биігі бар Гүлнәр Дәукенова Үржардың қасиетті топырағынан түлеп ұшып, Шығыстың шынары атанды.

«Гүлнәр әпке ақжарқын жеңгеміз, Ақ Жайық өңірінің сыйлы келіні еді. Тағдыр қосқан серігі Донеділ Қажымов та – елімізге танымал әнші-композитор, Қазақстанның еңбек сіңірген қайраткері. «Тас түскен жеріне ауыр» дейді бабаларымыз, Донеділ ағамызға қайғырып көңіл айтамыз. Қош болыңыз, шыңдағы шынар сынды Гүлнәр әпке, Гүлнәр жеңеше! Сағым жылдардың ішінде Сізді сағынған шақтарда, әр қазақтың жүрегінде Сіздің әндеріңіз жүретініне сенемін! Иманыңыз жолдас болсын, аяулы Гүлнәр жеңеше, Гүлнәр әпке!» - деп жазды Асхат Маемиров.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT